Rinovimi i Paolo Dibalës ka krijuar një kaos në shtëpinë e Juventusit. Argjentinasit i mbaron kontrata në fund të sezonit dhe drejtuesit duan t’i ofrojnë një kontratë të re, në mënyrë që të mos ta humbasin me parametër zero.
Lidhur me këtë temë ka folur dhe kapiteni i “Zonjës së Vjetër”, Xhiorxhio Kielini.
“Dibala është stërvitur me ne dhe po punon shumë që të jetë gati për sfidën ndaj Vijarealit. Kjo është gjëja më e rëndësishme. Mendoj që për momentin duhet të përqendrohemi tek fusha. Mesi dhe unë luajtëm Europianin dhe Kupën e Amerikës pa kontratë dhe mund të bëjmë mirë në ato situata. Nëse Dibala shënon të mërkurën atëherë jemi të gjithë të lumtur.”
Shfaq Komentet (0)